無論你係想搵公司整，抑或自己整，整網站之前，你就需要有網頁寄存呢個服務。咁到底乜野係網頁寄？或者就等小編同你分享吓呢方面嘅資訊。

網址就等如你嘅地址，而網頁寄存就係你間屋。

租屋，唔同地方租嘅當然有唔同嘅配置，例如有Ｄ有露台，有Ｄ有房有Ｄ冇房，有Ｄ係開放式等等。同樣喺網頁寄存服務，唔同供應商亦有唔同嘅配置，不過呢D配置，正常有接觸開嘅人都會覺得好難理解，小編就同大家講解一下入面嘅內容。

一般呢D寄存Plan最大嘅分野就係寄存容量(Storage)同資料傳輸量(Data Transfer)。

寄存容量(Storage)，坊間好多都用幾多MB或者幾多GB去吸引用家。如果你嘅網站會不停新增內容，咁容量當然係越大越好。咁究竟幾多為之夠用？最簡單嘅想法係，如果你放一張相上去大概3MB，咁一個提供300MB比你用嘅寄存，最多就只可以放100張相，當然咁係仲未計其它網頁檔案，計埋嘅話就放唔到100張相嘞！

另外，依家好多寄存供應商都標榜用SSD（固態硬碟）作為儲存媒介，由於 SSD擁有近乎即時嘅資料傳送速率，可將資料傳輸過程縮短至等同於讀取程式與檔案所需嘅時間，提存速度都比一般硬碟快。而SSD沒有會被破壞或磨損嘅活動零件，相對更加耐用，大家都可以睇睇，你用緊嘅供應商係咪用SSD嘞！